04/07/2022/Саеми
  • Напишано од Ана Барабановска
  • 221
  • 0

Претставници на Пчеларската задруга Пчелин Рај од Струмица во периодот од 20-24 мај беа присутни на 89-от по ред Меѓународен саем за земјоделство во Нови Сад, Р. Србија. Саемот ги обединува најважните компании од агроиндустријата, земјоделското производство, механизацијата, како и најдобрите во сточарството и е неизбежно место за земјоделците и професионалната публика која е заинтересирана за земјоделството. Со оглед на долгогодишната традиција на оддржување, саемот стана заштитен знак на Нови Сад, како и престижно место за презентација и развој на агробизнисот. Земја партнер на овогодинешниот саем беше Унгарија а истиот официјално беше отворен од страна на српскиот претседател Александар Вучиќ и унгарскиот премиер Виктор Орбан.

Традиционално, Задружниот сојуз на Војводина беше домаќин на делегации на Задружни сојузи од регионот во рамките на одржувањето и зајакнувањето на меѓусебната соработка и поддршка. Одржана беше и тркалезна маса на тема „Задругите во регионот – размена на искуства“, на која учествуваа претставници на Задружни сојузи од Војводина, Србија, Република Српска и Хрватска со цел поврзување на задругите на регионално ниво, размена на искуства и воспоставување деловна соработка.

Додади коментар

Your email address will not be published. Required fields are marked *